Deputeti i Partisë Demokratike të Kosovës, Ardian Kastrati ka thënë se ministri i Shëndetësisë, Arben Vitia nuk po përgjigjet pyetjes së tij se se pse nuk ka ilaçe për trajtimin e të sëmurëve nëpër spitale.
Kastrati ka thënë se dy anëtarë të ngushtë të familjes së tij kanë vedkur në mungesë të terapisë.
“Ne kemi hedhur tema për pandeminë nuk kemi marrë përgjigje. Por ata nuk mu kanë përgjigj mua pse mua më kanë vdekur që një muaj dy anëtarë të ngushtë të familjes për mungesë të terapisë në spitalin e Prishtinës”, u shpreh ai.
“Ekzistojnë protokolle të Ministrisë së Shëndetësisë që zoti. Vitia me mindil i ikte kësaj pyetjes time se pse nuk e siguroi terapinë”, tha ai në Kanal 10.
Deputeti i PDK-së ka komentuar edhe përplasjen që ndodhi sot në Kuvendin e Kosovës, ku ishte i përfshirë edhe vetë ai.
Kastrati thotë se duke dalë nga salla e Kuvendit, ata janë ndaluar të dalin, ndërsa thotë se e ka shtyrë deputetin e VV-së, Sali Zyba pasi i erdhi nga prapa dhe e kapi në dorë.
Ai po ashtu tha se janë ofenduar nga ministri i Bujqësisë, Faton Peci, fjalë të cilat thotë se nuk mund t’i thotë.
“Shiko këtu ne dojmë me lëshu sallën, ne bllokohemi prej tyne, kjo është non sense. E shtyva se ky më erdhi pas shpine, as që kom pas kontakt me to, vjen pas shpinës e ma kap dorën. Kta jon mësu qashtu për mbrapa se përpara nuk dalin”, tha Kastrati.