Jo vetëm ndjekësit e tij, por edhe shumë të tjerë tashmë kanë ‘zbuluar’ se deputeti Eduart Ndocaj ka një dashuri të veçantë edhe për pikturën, krahas detyrës së tij si deputet.
Ai ka qenë pjesë e emisionit “Thumb” të gazetareve Aulona Musta dhe Fatma Haxhialiu, ku ka folur për pasionin e tij dhe për atë çka e frymëzon të pikturojë.
Ndër të tjera, pyetjes se cili pikturon më mirë, ai apo kryeministri i Shqipërisë, Edi Rama, Ndocaj u përgjigj: “Unë pikturoj pak më mirë se ai”.
“Faktin që kryeministri pikturon e keni marrë vesh kur është bërë kryeministër. Po shfrytëzon më tepër këtë detyrë që të bëhet i famshëm si piktor, sepse nuk mendoj se në moshën 50-vjeçare zbulohet një talent”.
Se cili pikturon më mirë, nuk mund ta themi, por duke parë pikturat e tij mund të thuhet se Ndocaj do të ishte një rival i denjë për kryeministrin. /Telegrafi/
