FIFA zyrtarisht i ka dënuar me nga 10 mijë franga zvicerane, Granit Xhakën dhe Xherdan Shaqirin.
Dënimi erdhi pas festës së tyre me shqiponjë pas shënimit të golave.
Edhe zvicerani Stephan Lichsteiner është dënuar me 5 mijë franga.
Tashmë shqiptarët me kreativitetin e tyre kanë filluar të japin edhe ide të shkëlqyeshme pas dënimit.
I pari është deputeti i AAK-së, Gani Dreshaj, i cili është shprehur i gatshëm që ta paguajë dënimin e shqiptuar nga FIFA.
“Dënimi për Xhakën e Shaqirin nga FIFA është i pa peshë. Më dëshirën më të madhe do të doja që unë të paguaja këtë dënim, por e di se sukseset e tyre në futboll kanë bërë që edhe fuqia e tyre financiare të jetë stabile”.
“Pra, sa herë që ata bëjnë shqiponjën, unë iu them se marr përgjegjësinë e gjobave nga FIFA. Jam i bindur se golat dhe sukseset e shqiptarëve me Zvicrën në Botëror nuk kanë ndalur. Presim suksese të mëdha në ndeshjet e radhës”, ka shkruar Dreshaj.
Ndërsa disa djem dhe vajza shqiptare nëpër botë kanë hapur një fushatë ku janë duke u tubuar para.
Për një orë janë mbledhur mbi 1200 dollarë, nga shqitparët që jetojnë kudo në botë. /Telegrafi/
