Deputetët nga radhët e OBRM-PDUKM-së, pas takimit me kryetari e partisë Hristijan Mickoski në Kuvend, u mblodhën në një nga restorantet afër lumit Vardar. Deputetja Vesna Pemova, në një deklaratë për “a1on” thotë se të gjithë deputetët e OBRM-PDUKM-së do të votojnë kundër ndryshimeve kushtetuese që parashihen në marrëveshjen e Greqisë
“Të gjithë do të votojmë kundër. Të bashkuar jemi si asnjëherë më parë:, deklaroi deputetja Pemova.
Deputetja Ane Leshkoska konfirmoi se padite kanë pasur takim me Mickoskin dhe e njëjta tha se është në koordinim të rregullt. Ajo refuzoi të zbulojë se çfarë është biseduar. Jo zyrtarisht, qëndrimi që kryetarit të partisë e ka ndarë me deputetët është se dëshiron të kërkojë qeveri teknike e cila do të funksionojë një vit për bisedime të reja me Greqinë. Leshkoska, refuzoi të konfirmojë, po nuk mohon, përcjell Telegrafi Maqedoni.
“Do të informoheni, mbledhja e Komitetit Ekzekutiv është sonte, nuk dimë se për çfarë do të bisedohet”, tha Leshkoska duke u përgjigjur në pyetjen se a do të kishte pranuar OBRM-PDUKM-ja zgjedhje të parakohshme parlamentare.
Deputetja Bllagica Lasovska gjithashtu nuk dëshironte të zbulojë për çfarë kanë biseduar me kryetarin e partisë, ndërsa për unitetin e kolegëve nga radhë e OBRM-PDUKM-së, tha “Absolutisht, askush nuk do të votojë për ndryshimet kushtetuese”.
Mes të pranishmëve ishin deputetet Zhaklina Peshevska, Vesna Damçevska-Ilievska, Nevanka Stamenkovska dhe të tjerë. Sonte, OBRM-PDUKM-ja ka mbledhje me Komitetin Ekzekutiv të partisë, ku do të bisedohet si opozita do të veprojë në raport me ndryshimet kushtetuese dhe zgjedhjet eventuale të parakohshme parlamentare.
/Telegrafi/
