Rrogën e muajit prill dhe të gjitha rrogat tjera për sa do të zgjatë pandemia e coronavirusit, deputetët dhe anëtarët e qeverisë në Bullgari, do t’i dhurojnë për të ndihmuar pacientët e infektuar.
Së bashku me ta edhe zyrtarë të zyrave politike dhe shefat e agjencive shtetërore bullgare, do t’i dhurojnë rrogat e tyre përderisa t zgjatë gjendja emergjente, transmeton Telegrafi.
Vendimi është marrë pas një debati prej 11 orësh, kur 170 ligjvënësit e parlamentit bullgar që ka 240 ulëse, votuan pro dhurimit të rrogave mujore.
Të gjitha të ardhurat e tyre, do të dërgohen si donacion për Ministrinë e Shëndetësisë, që do të ndihmojë pacientët e infektuar, si dhe parandalimin e përhapjes së sëmundjes.
Gjendja emergjente në Bullgari është dashur të përfundonte më 13 prill, por është zgjatur deri në fund të muajit.
Dhurimi i rrogave të qeveritarëve, që kanë tri herë më të madhe se rroga mesatare në Bullgari, do jetë një ndihmesë e konsiderueshme për trajtimin e kësaj situate. /Telegrafi/