Depozitat e përgjithshme në korrik kanë shënuar rritje pas rënies në tre muajt e mëparshëm, thuhet në raportin e fundit të Bankës Kombëtare, përcjell Telegrafi Maqedoni.
“Niveli më i lartë i bazës totale të depozitave të bankave është një sinjal për stabilizimin e mëtejshëm të dukshëm të pritjeve të subjektit ekonomik. Analizuar sipas sektorëve, rritja ishte pothuajse tërësisht për shkak të rritjes së depozitave të ekonomive familjare, me rritje të vogël të depozitave të korporatave, ndërsa te depozitat e institucioneve të tjera financiare është vërejtur një rënie e lehtë”, thuhet në raportin e bankës.
Norma vjetore e rritjes së totalit të depozitave në korrik ishte 3.4 përqind, më e ulët se rritja 7.4 për qind e Bankës Kombëtare që kishte parashikuar për tremujorin e tretë të vitit 2016.
“Në korrik u rrit kontributi i depozitave në denarë në rritjen vjetore të totalit të depozitave. Depozitat e ekonomive familjare në korrik edhe më tej vazhduan të rriten, pothuajse dyfishtë më shumë në krahasim me muajin e kaluar”, thuhet në raport. /Telegrafi/