I dështuari te Manchester United, Memphis Depay, kishte paguar ekspertët e statistikave nga një prej kompanive të njohura për të zgjedhur Lyonin në janar.
Daily Star shkruan se Depay kompletoi kalimin e tij prej 16 milionë funtesh te skuadra franceze Lyon dhe për këtë ai zgjodhi një mënyrë të veçantë.
23 vjeçari kishte paguar një grup ekspertësh nga kompania SciSports që meren me statistikave, në mënyrë që t’ia tregojnë atij ekipin i cili do t’i përshtatej më së shumti dhe të shmangë një skenar dështimi për të tipik sikur i Royston Drenthes.
Këshilla që i është dhënë ekipit menaxhues të Depay u ka ndihmuar atyre që të refuzojnë Evertonin, Fenerbahcen dhe disa ekipe të mëdha spanjolle dhe italiane.
Themeluesi i SciSports, Giels Brouwer i ka thënë gazetës së njohur danese AD se kjo është e vërtetë.
“Menaxhmenti i tij ka kërkuar ndihmë për hapin e ardhshëm”.
“Ne kemi performuar analizën e stilit të lojës dhe kemi shikuar në konkurrencën që mund ta ketë në klube të ndryshme”.
“Ne kemi kombinuar këtë me gjërat që Memphis për vete i konsideron të rëndësishme”.
“Memphis ishte vërtet i hapur për analizat dhe të dhënat tona. Ai ishte vazhdimisht i fokusuar dhe na pyeste: Si dhe ku mund të bëhem më i mirë”, deklaroi Giels Brouwer.
Javë më parë Depay shënoi atë që do të konsiderohet si goli më i mirë i vitit, pasi realizoi në mënyrë të pabesueshme nga gjysmëfusha në kampionatin francez Ligue 1. /Telegrafi/