Depay është lojtar i Barcelonës – njoftimi zyrtar pritet këtë fundjavë

Memphis Depay duket se më në fund do të jetë lojtar i Barcelonës.

Lojtari holandez ka kohë që po e kërkon kalimin te skuadra katalunase, derisa në këtë verë po e realizon dëshirën e tij.

Sipas asaj që raporton gazetari Fabrizio Romano, Depay pritet që në këtë fundjavë të prezantohet si lojtar i Blaugranasve.

Përfaqësuesit e tij tashmë kanë rënë dakord me kushtet e ofruara nga Barcelona dhe marrëveshja do të prezantohet me gjasë në ditën e diel.

Depay do të kalojë te skuadra katalunase si lojtar i lirë, pasi kontrata me Lyonin i skadon më 30 qershor.

Natyrisht se Barcelona me sigurimin e holandezit do të largojë lojtarë, e që i pari pritet të jetë Philippe Coutinho. /Telegrafi/