Ish-kampioni i peshave të rënda në WBC, Deontay Wilder, do të kthehet në ring këtë vit për herë të parë që nga lufta e tij e tretë me Tyson Furyn.
Amerikani do të përballet me finlandezin Robert Helenius në Barclays Center të Brooklyn më 15 tetor.
“Ka qenë një rrugëtim i gjatë për mua dhe që sot vazhdon”, ka thënë 36-vjeçari Wilder.
I’M BACK BABY! October 15th at @barclayscenter!! 👑✊🏿 #WilderHelenius https://t.co/wCwapuuDeh
— Deontay Wilder (@BronzeBomber) August 17, 2022
Wilder u ndal në raundin e 11-të nga Fury tetorin e kaluar, ku britaniku ruajti titullin WBC.
Ai u nderua me një statujë në qytetin e tij të lindjes, Tuscaloosa, Alabama në fillim të këtij viti dhe tha se kjo luajti një rol në vendimin e tij për të pranuar meçin me Helenius, i cili ka fituar 31 nga 34 luftimet e tij.
“Kam menduar shumë herë nëse duhet të qëndroj jashtë apo të kthehem”.
Get your tickets while they last!!! #WilderHelenius ✊🏿 https://t.co/eSTXaUPcRH
— Deontay Wilder (@BronzeBomber) August 18, 2022
“Sapo mora statujën time në qytetin tim dhe pashë kaq shumë njerëz që erdhën dhe festuan me mua, [kjo] më bëri të ndihem sikur puna ime nuk kishte përfunduar”, ka thënë amerikani. /Telegrafi/