Ky është momenti rrëqethës kur një vrasës u rrëzua pranë varrit të cekët të pyllit ku kishte varrosur ish-të dashurën e tij pasi e vrau me sëpatë.
Sipas mediave të huaja, përcjell Telegrafi, Andrew Burfield, nga Burnley, i tha policisë se vrau aksidentalisht Katie Kenyon, 33 vjeçe, kur ai hodhi një sëpatë në një pemë dhe ajo u kthye në drejtim të saj.
Por në realitet ai gërmoi një varr të cekët në pyllin e Bowland, Lancashire – Angli, përpara se të “joshte” nënën e dy fëmijëve drejt atij vendi ditën tjetër dhe ta godiste për vdekje.
Më pas ai u dërgoi mesazh fëmijëve të Katie-t nga telefoni i saj – në një përpjekje për të mbuluar gjurmët e tij.
Katie u zhduk më 22 prill, duke shkaktuar një kërkim njëjavor, i cili përfundoi me zbulimin e trupit të saj më 29 prill.
Një hulumtim pas vdekjes tregoi se ajo ishte goditur rreth 12 herë, me një patolog mjeko-ligjor që tha se versioni i ngjarjeve të Burfield ishte “plotësisht i pabesueshëm”.
Motra e Katie-t kishte filluar të dyshonte se Burfield ishte përfshirë në zhdukjen e saj për shkak të gramatikës dhe drejtshkrimit të dobët në mesazhet me tekst që u dërgoheshin fëmijëve të saj nga telefoni i Katie-t.
Ndërtuesi 51-vjeçar më në fund u deklarua fajtor për vrasjen e saj në ditën e tretë të gjyqit të tij në Preston Crown Court dje.
Të enjten ai u dënua me burgim të përjetshëm me një minimum prej 32 vitesh.
Dhe pamjet shqetësuese të publikuara së fundmi tregojnë momentin kur vrasësi i çoi oficerët në vendin e vrasjes.
Burfield, i lidhur me pranga dhe me një kostum të bardhë, shihet duke u gjunjëzuar për t’u treguar oficerëve se ku e fshehu trupin e gruas.
Fotot e sapo publikuara tregojnë gjithashtu furgonin që ai përdori për të marrë Katie dhe sëpatën që përdori. /Telegrafi/