Prindërit e një adoleshenti nga Miçigani që vrau katër nxënës janë dënuar secili me nga 10 deri në 15 vjet burg.
Siç raporton BBC, u rekomandua një dënim me shtatë vjet, por prokurorët kërkuan më shumë, transmeton Telegrafi.
James dhe Jennifer Crumbley, prindërit e parë të një vrasësi në shkollë amerikane që u dënuan, u shfaqën së bashku për herë të parë pas disa muajsh në seancën e dënimit të së martës.
Të dy shprehën keqardhje për sulmin e djalit të tyre, pasi avokatët e tyre kërkuan të minimizonin dënimin e tyre me burg.
Në një rast historik, juristët në gjyqe të veçanta e gjetën prindërit e sulmuesit Ethan Crumbley fajtor për vrasje të pavullnetshme në fillim të këtij viti.
Gjykatësja Cheryl Matthews tha se dënimi i zgjeruar prej 10 deri në 15 vjet ishte “për të vepruar si një pengesë”, dhe pasqyronte dështimin e prindërve për të ndaluar sulmin. /Telegrafi/