20 vjeçari N.D. nga Shkupi i cili ka marrë pjesë në zënkën që ndodhi në janar të këtij viti, ku u vra Leart Ademi, u dënua me gjashtë muaj burg. Në mungesë përsëri të 17 vjeçarit E.S. u dënua me nëntë vjet burg për të mitur, në përputhje të ligjit për burgim për të miturit, transmeton Telegrafi Maqedoni.
Vrasja ka ndodhur më 3 janar, rreth 19:00, në afërsi të restorantit “Biznes” në Çair. Viktima po kthehej nga një trajnim ditor në klubin lokal të basketbollit. Pas një diskutimi të shkurtër, një nga sulmuesit nxori një thikë dhe e goditi tri herë në stomak Ademin. Leart Ademi ishte djali i gazetarit të sportit shqiptar Sami Ademi. /Telegrafi/
