Bombarduesi strategjik amerikan, B-52H Stratofortress fluturoi mbi kufirin me Kaliningradin. Kjo ndodhi dy ditë pasi aeroplani luftarak rus, Su-27 rrëzoi dronin amerikan MQ-9 Reaper në Detin e Zi.
Bombarduesi, i cili mund të mbajë armë bërthamore, fluturoi mbi territorin e Lituanisë dhe më pas u drejtua drejt Britanisë së Madhe nëpërmjet Detit Baltik nëpërmjet Letonisë.
Kur B-52H Stratofortress ishte mbi Lituani, ai po fluturonte rreth 16 kilometra nga kufiri me rajonin e Kaliningradit. Natyrisht, SHBA-ja dëshironte të demonstronte fuqinë e saj me këtë fluturim.
Wow, a U.S. B-52 Strategic Bomber flying less than 10 Miles from the Russian Border of Kaliningrad for the 2nd time in 2 weeks… pic.twitter.com/yib85hH9EF
— OSINTdefender (@sentdefender) March 16, 2023
Një lëvizje e ngjashme ndodhi të dielën, dy ditë para incidentit me dron. Sipas serverit rus RBK, një tjetër bombardues strategjik, B-52H Stratofortress u shfaq mbi Detin Baltik në një distancë prej rreth 200 kilometrash nga Shën Petersburg.
Sipas ministrit polak të Mbrojtjes, Mariusz Blaszczak, bombarduesi u pasua nga aeroplanë luftarakë polakë.
“Është një element i rëndësishëm i stërvitjes së bashkëpunimit. Së bashku ne kujdesemi për sigurinë e krahut lindor të NATO-s”, shkroi Blaszczak në Twitter. /Telegrafi/