Ministri i Forcës së Sigurisë së Kosovës, Haki Demolli në Samitin e Komisioneve të Punëve të Jashtme tha se Kosova do të vazhdojë të punojë për sigurinë e saj të brendshme.
Ai tha se bashkëpunimi i Kosovës me vendet e rajonit është i domosdoshëm dhe duhet të vazhdojë.
Demolli shtoi po ashtu se prania e NATO-s dhe faktorët ndërkombëtar vazhdojnë të jenë faktor kryesor i paqes në vend dhe rajon.
Ai tha se pret që bashkëpunimi mes FSK-së dhe NATO-s të intensifikohet.
Ministri i FSK-së tha se Kosova nuk ka pretendime territoriale ndaj asnjë shteti fqinj.
Demolli foli edhe për transformimin e FSK-së në FAK.
Ai tha se formimi i Forcave të Armatosura synon të bëhet duke u bazuar në standardet më të larta të Aleancës Euroatlantike.
Foto: Arkiv