Ministri i Shëndetësisë Ilir Demiri tha se dëmi në Toksikologji është i mbuluar, pasi ka ndodhur një aksident me tubacionin e ngrohjes.
“Qendra Klinike ka shërbime të përbashkëta që janë të destinuara për këtë, është obligim parësor që të kujdesen për Qendrën Klinike dhe të gjitha aksidentet që mund të ndodhin. Aksidenti me gypin e ngrohjes është riparuar dje nga shërbimet e përbashkëta”, tha Demiri.
Ai tha se është nënshkruar një kontratë apo jo, këto janë kontrata të brendshme të Klinikave që duhet t’i kontrolloj.
Për sa i përket ndihmësit që duhej të pezullohej, Demiri tha se i është bërë një padrejtësi e madhe Toksikologjisë, e ajo ishte mosdhënia e pëlqimit nga menaxhmenti i atij institucioni për të siguruar kontrata për 18 punonjës që janë pjesë e procedurave mjekësore, të cilët tashmë 4 muaj i shërbejnë atij institucioni dhe nuk marrin asnjë dëmshpërblim ekonomik./Telegrafi/