Demi Lovato ka qenë e hapur për vuajtjet e saj me shëndetin mendor gjatë gjithë jetës së saj.
Dhe të hënën, këngëtarja, 27 vjeçe, njoftoi në Instagram se po ndihmon të nisë Fondin e Shëndetit Mendor, për të ndihmuar ata që vuajnë nga ankthi dhe çështje të shëndetit mendor mes pandemisë coronavirus, shkruan DailyMail.
Paratë e krijuara, të cilat tashmë kanë arritur në dy milionë dollarë, do të ndihmojnë katër organizata që i janë kushtuar këshillimit të krizave përmes mesazheve me tekst.
“Kështu që shumë kanë mbetur vetëm me mendimet e tyre, ankthet e tyre, abuzuesit e tyre – dhe po luftojnë me pasigurinë e këtyre kohërave”, shkroi ajo në titullin e postimit të saj në rrjetet sociale.
“Kjo është arsyeja pse unë po ndihmoj për të filluar nismën #TheMentalHealthFund për të mbështetur organizatat që janë duke përmbushur kërkesën e rritur në këshillimin e krizave për shkak të COVID-19”, shkroi më tej këngëtarja.
“Ti nuk je vetëm. Ndihma është e shpejtë, falas dhe në dispozicion 24/7”, shtoi ajo.
Fondi për Shëndetin Mendor synon të mbledhë pesë milion dollarë përmes faqes së tij në GoFundMe për të mbështetur Linjën e Mesazheve të Krizave në Sh.B.A. dhe organizatave të ngjashme për këshillimin e krizave në Mbretëri të Bashkuar, Irlandë dhe Kanada.
“Është kaq e rëndësishme që njerëzit i kanë këto linja sepse nganjëherë ndjeheni të vetmuar dhe nuk dini ku të drejtoheni ose me kë të bisedoni”, tha Lovato për Revistën People.
“Keni frikë se këto mendime që keni janë shumë të errëta dhe keni nevojë për udhëzime. Kjo është ajo ku hyn në fuqi kjo. Mund të sigurojë ndihmë për njerëzit që janë duke luftuar”, tha tutje ajo.
Ylli i pathyer shtoi: “Të kërkosh ndihmë nuk është një shenjë dobësie.“Është një shenjë e forcës. Shpesh shoqëria jonë na thotë se nëse kërkojmë ndihmë, jemi të dobët. Por gjëja më e fortë që dikush mund të bëjë është të ndërmarrë hapin e parë për të marrë ndihmë, në çfarëdo forme që është”.
Që nga mbrëmja e së martës, gati 700 dhurime janë bërë në faqen GoFundMe të Fondit të Shëndetit Mendor, që arrijnë në gati 2.1 milionë dollarë.
Lovato ka vuajtur nga depresioni, një çrregullim i të ngrënit, vetë-dëmtimi dhe abuzimi me substancat, i cili rezultoi me një mbidozë në vitin 2018 pas gjashtë vjet vuajtjesh. /Telegrafi/
