Nëntë dema të mëdhenj prishën heshtjen e një fshati në Kent – Angli, kur ata dolën nga kantieri i tyre dhe vrapuan nëpër rrugë.
Në pamje, të filmuara në Godington Park, grupi i demave shikohet duke ecur përgjatë rrugëve dhe duke ecur në kopshte, shkruajnë mediat e huaja, përcjell Telegrafi.
Fatmirësisht, askush nuk u lëndua – por disa makina u dëmtuan nga brirët e mprehtë të demave.
Një banor lokal ka krahasuar skenat me ato në Pamplona, qytetin spanjoll i famshëm për festivalin vjetor të demave.
Një banor tjetër tha: “Ata ecnin rrugës, ndaluan trafikun dhe dëmtuan një makinën e një banori dhe hëngrën lule në kopshtin e tij”.
Kanë qenë banorët ata që kanë “shtyrë” demat që të kthehen në vendin prej nga kishin ardhë. /Telegrafi/