Seanca e radhës e Kuvendit të Kosovës do të mbahet më 4 maj, ndërsa demarkacioni nuk është në rend dite.
Kështu bëri të ditur deputetja Valdete Bajrami nga radhët e partisë Nisma për Kosovën.
Bajrami tha se për takimin e Kryesisë janë njoftuar mbrëmë në orët e vona. Ajo bëri të ditur se në seancën e së nesërmes nuk do të jetë në rend dite çështja e demarkacionit.
Ndryshe, në këtë takim të Kryesisë nuk ishte i pranishëm kryetari i Kuvendit, Kadri Veseli. /Telegrafi/