Në fundjavë pritet që të zhvillohet xhiro e 29-të në kampionatin elitar të futbollit kosovar, derisa në program janë disa ndeshje mjaft interesante.
Për ta ndarë drejtësinë në ndeshjen kryesore të xhiros së 29-të në Superligën e Kosovës në futboll, atë ndërmjet Trepçës ’89 dhe Dritës është deleguar gjyqtari kryeqytetas, Alban Shala.
Ai do të shoqërohet nga asistentët Granit Hyseni dhe Meriton Berisha, ndërkohë që Ilir Mehmeti do jetë gjyqtar i katërt.
Në një tjetër duel interesant sikurse ai ndërmjet Ballkanit dhe Feronikelit, do të gjykojë Besfort Kasumi me stemën e FIFA-s.
Fatlum Jashari dhe Gzim Mehmeti do të jenë asistent, ndërkohë Erdall Zasella do të jetë gjyqtar i katërt./Telegrafi/
