Mesfushori i Kombëtares së Danimarkës, Thomas Delaney, ka thënë që ndeshja ndaj Kosovës është e rëndësishme dhe do të futen për fitore.
Mesfushori i Borussia Dortmundit ishe i pranishëm në konferencë së bashku me trajnerin Age Hareide dhe portierin Kasper Schmeichel. Ai e konfirmoi se skuadra do ta marr seriozisht ndeshjen, duke shtuar se e kupton deklaratën e trajneri që kishte thënë se është ndeshje trajnuese.
“Unë e kuptoj qëndrimin e trajnerit. Mua më pëlqen të luaj e jo të stërvisë. E kuptoj atë që e thotë trajneri. Sepse nuk luajmë shpesh së bashku”.
“Do ta marrim shumë seriozisht këtë ndeshje dhe do të mundohemi të fitojmë”, deklaroi ai.
Delaney pritet të luajë nga minuta e parë në ndeshjen e nesërme (e enjte) në stadiumin “Fadil Vokrri” në Prishtinë.
Ai ka zhvilluar një sezon shumë të mirë me Borussia Dortmundin deri më tani. /Telegrafi/
