Zjarrfikësit australianë kanë ardhur në ora nëntë të mëngjesit për të shpëtuar 41-vjeçarin Kyle Kim i cili nuk ka gjetur asnjë mënyrë për të hyrë prapë në banesën e tij nga ballkoni. Duke tymosur cigare e ka kuptuar se ishte bllokuar në katin e gjashtë të ndërtesës së tij në qytetin Darwin.
“I mbylla dyert sepse kisha aklimatizimin të aktivizuar. Papritmas dyert nuk mund të hapeshin më. Më pushtoi një ndjenjë shumë e keqe”, ka thënë ai.
I veshur vetëm në brekë të kaltra dhe bluzë ngjyrë hiri, Kim ka filluar të bëj panik sepse i është dashur të shkoj në punë në ora shtatë. Natyrisht, ai nuk e kishte as celularin me vete, prandaj kishte filluar t’i thërras kalimtarët nga ballkoni.
“Ka qenë një gjë e tmerrshme”, ka shtuar Kim.
Më në fund nga ndërtesa fqinje ka dalë një grua me emrin Rachel. E ka lutur atë të thërras për ndihmë. Pasi që kanë arritur policia dhe zjarrfikësit janë grumbulluar edhe një masë e madhe e njerëzve. Kim nuk ka mundur ta besojë pse janë grumbulluar aq shumë.
“Tani nuk po e ndiej veten aspak rehat në këtë banesë”, ka pranuar Kim i cili në qytetin Darwin është zhvendosur vetëm para tri javëve.