Sot, kur komunikimet ndërshqiptare po shtohen e përdegëzohen duke e imponuar doemos edhe një përditësim të standardit të shqipes, sa po i del zot gjuhësia detyrave që i vihen?
A duhet të vazhdojë gegërishtja të jetë ‘delja e zezë’ e gjuhës shqipe, apo mund të gjenden modalitete për t’i i shkrirë edhe shumë nga tiparet shquese të saj brenda standardit ekzistues?
A mjafton hapja vetëm ndaj leksikut verior?
Dilema hamletiane e shqipes: paskajorja – me qenë apo të mos jetë?
A ka kuptim një shqipe e përbashkët pa paskajoren?
Çfarë në të vërtetë është kërkesa për rishikimin dhe ndryshimin e standardit gjuhësor të vitit 1972?
Folësit në shërbim të gjuhës apo gjuha në shërbim të folësve?
A kemi standard apo vetëm rregulla të drejtshkrimit?
A ka normë standarde të gegërishtes?
Pse gjuha standarde është sikur shqipja e qethur si ushtar?
Pse nëse nuk hapet rruga për reformë gjuhësore, atëherë është e hapur dera për anarki gjuhësore?
Pse duhet lejuar shkrimi i gegërishtes?
A mund të jenë Prishtina dhe Tirana vatrat e rehabilitimit të gegërishtes?
Për këto dhe pyetje të tjera mbi sfidat e sotme të shqipes në Kosovë janë intervistuar: Agim Morina, Bekim Lumi, Gazmend Bërlajolli, Rrahman Paçarizi dhe Shkumbin Munishi, kurse në Shqipëri janë intervistuar: Ardian Ndrecaj, Ardian Vehbiu, Ledi Shamku-Shkreli dhe Mehmet Elezi,
Libri " Gjuha e këputun e shqipes " mund të gjendet në të gjitha pikat e shitjes. /Telegrafi/