Departamenti Amerikan i Tregtisë zbuloi të dhënat e tregtisë së jashtme për muajin shkurt.
Rrjedhimisht, deficiti i tregtisë së jashtme të vendit u rrit me 2.7 për qind në muajin shkurt në krahasim me muajin paraardhës dhe arriti në 70.5 miliardë dollarë.
Deficiti tregtar, i cili u rrit pak mbi pritshmëritë e tregut, pritej të realizohej në nivelin e 69 miliardë dollarëve në këtë periudhë.
Deficiti i tregtisë së jashtme, i cili arriti nivelin më të lartë në katër muaj në muajin shkurt, u regjistrua në 68.7 miliardë dollarë në janar.
Eksportet e vendit u ulën me 2.7 për qind në 251.2 miliardë dollarë në muajin shkurt, ndërsa importet u ulën me 1.5 për qind në 321.7 miliardë dollarë.
Deficiti i tregtisë së jashtme të SHBA-së me Kinën u rrit në 25.2 miliardë dollarë në këtë periudhë. Ndërsa suficiti i tregtisë së jashtme të vendit me Mbretërinë e Bashkuar u ul në 0.5 miliardë dollar, ai u rrit në 2.5 miliardë dollarë me Hong Kongun.
Ndër partnerët e tjerë tregtarë që SHBA-të kanë pasur deficit gjatë periudhës në fjalë, janë Bashkimi Evropian (18.1 miliardë dollarë), Meksika (12 miliardë dollarë), Vietnami (8.1 miliardë dollarë), Gjermania (7.9 miliardë dollarë) etj.
Vendet me të cilat ka pasur suficit tregtar janë Amerika e Jugut dhe Qendrore (4.7 miliardë dollarë), Holanda (1.8 miliard dollarë), Belgjika (1.6 miliard dollarë), Australia (1.5 miliard dollarë), Brazili (0.9 miliard dollarë) dhe Singapori (0.2 miliard dollarë). /Telegrafi/