Drejtori sportiv i Barcelonës, Deco, ka folur për shkarkimin e Xavit sezonin e kaluar.
Pasi trajneri spanjoll kishte njoftuar një largim të planifikuar në fund të sezonit, ai kishte ndërruar mendje. Megjithatë, pas rezultateve zhgënjyese, klubi katalunas më pas zgjodhi të shkarkojë legjendën e Blaugranasëve.
Deco deklaroi për Sport: “Largimi i Xavit nuk ishte i lehtë sepse ai kishte fituar një ligë, ai kishte ardhur në klub në një moment të vështirë dhe e pranoi sfidën, por sezoni i kaluar ishte i vështirë në çdo kuptim dhe kjo është arsyeja pse ne vendosëm që gjëja më e mirë ishte t’i jepnim një zëvendësim në stol’.
“Nuk pendohem për asgjë, sepse gjithmonë shkoj direkt në pikë, gjithmonë them gjërat që besoj dhe atë që mendoj në atë moment. Xavi do të jetë gjithmonë një mik, një person i rëndësishëm për mua”.
“Ai ka qenë shok skuadre dhe është një person shumë i rëndësishëm në historinë e klubit, një nga lojtarët më të rëndësishëm në historinë e Barçës. Ne kemi shumë dashuri për të, por futbolli ndonjëherë nuk i kthen gjërat në rrugën që kërkojmë”.
“Dhe nuk mund të harrojmë se i pari që hodhi hapin e largimit ishte Xavi dhe më pas ai përfundoi duke ndryshuar mendje dhe ndodhi e gjithë ajo dramë që duhej të jetonim. Por nuk pendohem për asgjë, ndër të tjera sepse nuk ishte vendimi im, nuk isha unë që e vendosa, vendimi përfundoi duke u marrë për shkak të një sërë gjërash që ndodhi dhe për shkak të të cilave arritëm një ndryshim më të mirë”, potencoi më tej drejtori sportiv, Deco. /Telegrafi/