Declan Rice ka treguar për dallimet kryesore mes Mikel Artetas dhe trajnerëve të tjerë që ka pasur fatin të punojë.
Mesfushori anglez iu bashkua skuadrës londineze nga West Ham United për 115 milionë euro, duke u bërë kështu transferimi rekord i Gunners.
“Momenti kur hyra në derë, kjo është gjëja që më tronditi më shumë se sa është (mentaliteti fitues) i ngulitur në këtë klub dhe mënyra se si trajneri po motivon lojtarët për të fituar dhe për të mos qenë larg, për të qenë një nga ekipet më të mira në botë”, ka thënë Rice.
“Kjo është ajo që më emocionon. Kjo është arsyeja pse erdha në Arsenal, për të fituar, për të luajtur nën drejtimin e Mikel (Artetas), për të luajtur me lojtarët e kalibrit të lartë. Është një projekt kaq emocionues për të qenë pjesë e tij”.
“Mendoj se vetëm në katër javët e fundit jam rritur aq shumë. Kam mësuar aq shumë për futbollin që nuk e kisha parë më parë”.
“Unë u mahnita nga ai (Arteta). Sigurisht, tani po punoj me të dita ditës, është një nivel tjetër. Të shohësh se si funksionon, si funksionon mendja e tij, duke aplikuar gjëra – mahnitëse”.
“Duke parë se si ai shkon në detaje për kundërshtarët dhe duke parë se si ai dëshiron të na përmirësojë ne si lojtarë individualisht kolektivisht. Është vërtet mbresëlënëse”, ka shtuar më tej mesfushori.
Rice tashmë ka përmbushur një nga ëndrrat e tij në Arsenal duke fituar Community Shield. Ai pritet të startojë në ndeshjen hapëse të Ligës Premier kundër Nottingham Forest. /Telegrafi/