Reperi i njohur shqiptar, Fero, është kthyer në qendër të vëmendjes me akuzat e tij të forta në rrjetet sociale.
Në një lidhje direkte me fansat e tij në Instagram së fundmi, ai foli për blerjet e klikimeve, duke akuzuar 95 për qind të estradës për klikime robotike dhe jo të blera.
Gjilanasi madje akuzoi edhe ish-labelin e tij, ON Records, duke thënëse ia kanë blerë klikimet pa dijeninë e tij, gjersa në blerjen e madhe përfshiu edhe reperin e njohur gjerman, Capital Bra, me të cilin dikur kishte bashkëpunim.
E ky i fundit me të parë videon e Feros, nuk mundi të qëndrojë heshtur pa reaguar, duke vendosur kështu të lajmërohet përmes një video-selfie të publikuar në InstaStory.
“Mua po më akuzon reperi shqiptar Feor kinse unë paskam blerë klikime prej tij? Vëlla vetëm se kënga jonë nuk ka dhezur nuk d.m.th që blej klikime, në djall blerjen e klikime, të përshëndes! E dyta ej Fero, fola me menaxherin tim dhe më tha se i ke 80 mijë euro borxh te ne, shiko blej ndonjë klikim a ndonjë send, bëj diçka në mund të mi kthesh”, ka thënë reperi gjerman në një video të publikuar në InstaStory.
https://www.youtube.com/watch?v=x0vn_GolRcg&ab_channel=edonnism
Ndërkohë, kundër reagime të tjera kanë ardhur nga Fero, i cili ka publikuar në një tjetër video në InstaStory, me një mesazh tjetër për Capital Bra.
“Capital Bra, nuk po të marr vesh bir, se s’e di gjermanishten e din veç garant fansat ta përkthejnë këtë mesazh. Ty të kam veç më së shumti prej gjermanëve, veç të nguca pak, thuaj reperëve gjerman rehat jeni pasi e din gjuhën baba”, ka shkruar reperi shqiptar, emri i vërtetë i të cilit është Feronit Shabani.
I njëjti më pas ka publikuar disa statuse rresht në InstaStory, ku ka shkruar se po e nxjerr në shitje albumin para kohe.
“Lajmërim i zi: Eh që kam pasur ta lansoj në maj, tash më detyruan gjermanët me e shty albumin, duhet me e fut një ‘diss’ gjithsesi. Mezi s’po pres me shku në studio. Edhe Merkeli do ta dëgjojë. Hahaha mos mendoni që e ha foren më për të mos blerë klikime, prej tash vetëm rekorde”, ka shkruar Ferto në disa postime të publikuara rresht në InstaStory.
Përndryshe bashkëpunimi mes Feros dhe Capital Bra i titulluar “KaDeWe”, u publikua në shtator të vitit të kaluar dhe numëron mbi 2.3 milionë klikime deri më tash. /Telegrafi/
