Mbrojtësi i Interit, Stefan de Vrij, thotë se ndaj Tottenhamit skuadra e tij nuk do të shkojë atje me idenë që të ndalet në barazim, në ndeshjen e tyre më të rëndësishme në Ligën e Kampionëve.
Nerazzurrët do të kualifikohen për në të 16-tat nëse arrijnë ta shmangin humbjen në Wembley.
Kjo pasi ata kanë shënuar fitore në San Siro, ndërsa humbja prej dy golash do t’ia vështirësonte punët Interit.
“Ne jemi mirë, një pikë është e mjaftueshme”.
“Por ne nuk do të shkojmë atje me idenë e barazimit. Ne duam të fitojmë, dhe kështu është në çdo ndeshje”.
“Në dhomat e veshjes ne fokusohemi në ndeshjen e ardhshme dhe dy ndeshjet me Barcelonën na mësuan shumë, sepse janë një nga ekipet më të mira në botë”.
“Ne prisnim ndeshje si ato, ne i njohim ata, ata janë shumë të fortë, por është mirë të luash kundër ekipeve të tilla për të kuptuar se çfarë është niveli juaj”, ka thënë De Vrij për SportMediaset. /Telegrafi/