Roma mund të shkaktojë edhe më tutje situata shokuese në Ligën e Kampionëve, gjithnjë sipas kapitenit, Daniele De Rossi.
Giallorosët arritën që të tejkalojnë një deficit prej 4-1 nga ndeshja e parë në Camp Nou me një performancë të jashtëzakonshme në Stadio Olimpico.
“Për një ekip si Roma, është vërtet e pabesueshme”.
“Tash duhet të bëjmë një tjetër hap, të mos mendojmë se jemi në gjysmëfinale dhe tashmë kemi arritur maksimumin. Nuk mendoj se kemi kryer punën tonë ende”.
“Natyrisht se ky është një prej momenteve më të mir në karrierën time. Jam emocionuar nga tifozët para ndeshjes, u thashë bashkëlojtarëve, nëse ata besojnë edhe ne duhet të besojmë”.
De Rossi tha se ishte ndeshja në Camp Nou që bëri ekipin italian të performojë. /Telegrafi/