David Raya i është bashkuar Arsenalit në formë të përhershme nga Brentfordi në një marrëveshje me vlerë 30 milionë euro pasi kaloi sezonin e kaluar si huazim në Emirates.
Ai fitoi Dorëzën e Artë sezonin e kaluar, duke mbajtur 16 portë të paprekura në Ligën Premier, ndërsa Arsenali përfundoi si nënkampion.
Duke reaguar që tani zyrtarisht është lojtar i Arsenalit, Raya i tha mediumit të klubit: “Pas një viti në huazim si Topçi, më në fund mund të them se jam lojtar i Arsenalit për vitet e ardhshme”.
David Raya, here to stay 👊
It’s official: last season’s Golden Glove winner has signed a permanent deal at The Arsenal ❤️
— Arsenal (@Arsenal) July 4, 2024
“Jam i emocionuar të shoh se çfarë ka e ardhmja, por gjithmonë jetoj dhe shijoj të tashmen”.
“Është një ëndërr e realizuar të jem këtu dhe dua t’ju falënderoj për të gjithë mbështetjen që më keni dhënë tashmë gjatë gjithë vitit të kaluar”, ka shtuar më tej portieri spanjoll. /Telegrafi/