Një gjë e rrallë ndodhi mbrëmë: David dhe Victoria Beckham u paraqitën në një tapet të kuq pranë njëri-tjetrit.
Revista “People” raporton se ka pothuajse tri vjet të tëra që kur kjo ndodhi herën e fundit, gjatë “Çmimeve të Modës Britanike” në nëntor të vitit 2015.
Natën e kaluar, çifti u shfaqën në ceremoninë e Ligës së Kampionëve të UEFA-s dhe në Monako.
Davidi mbante të veshur një kostum klasik të zi, ndërsa Victoria kishte veshur një fustan të zi të përputhur. Ata dukeshin mjaft në sinkron me njëri-tjetrin.
Futbollisti i cili ka luajtur për Manchester United, Real Madrid dhe LA Galaxy, mori çmimin për ‘arritjet e tij të jashtëzakonshme, përsosmërinë profesionale dhe cilësitë personale shembullore’.
Të dy janë të martuar prej 19 vitesh.
Ata të dy kanë qenë shumë të përfolur këtë verë, kjo pasi sipas disa thashetheme, çifti Beckham thuhej se po ndaheshin.
The Mirror kishte tentuar të marrë një deklaratë nga përfaqësuesit e çiftit, të cilët nuk treguan diçka specifike.
“Nuk ka asnjë deklaratë sepse nuk ka shkas e as divorc. Ky është vetëm një lajm i rremë i mediave sociale. Kjo është shumë e çuditshme dhe një humbje e kohës”, thuhej në deklaratë. /Telegrafi/
