Shane McCollow së bashku me nusen Krissi, si dhe dasmorët e ftuar, kanë pozuar të buzëqeshur pranë autobusit, i cili ka shpërthyer dhe po digjej derisa po i dërgonte dasmorët në ceremoninë që do të zhvillohej në Iowa të Shteteve të Bashkuara.
Dhëndri 29-vjeçar dhe bashkëshortja tij tre vite më e re, kanë dalë me shpejtësi nga autobusi i përfshirë nga flaka, shkaku i një shpërthimi të brendshëm, transmeton Telegrafi.
Meqenëse askush nuk është lënduar, ata kanë qëndruar të gëzuar dhe janë fotografuar, për ta mbajtur mend që iu shmangën tragjedisë.
“Ishte shumë nxehtë dhe i kërkuam shoferit ta lëshojë ftohësin, por nisi të fryjë edhe më nxehtë. Vinte erë e plastikës së djegur, por nuk kishte tym”, ka thënë McCollow lidhur me rastin.
Derisa po udhëtonin, një gomë ka shpërthyer shkaku i nxehjes dhe më pas ka ndodhur edhe eksplodimi i motorit.
Meqenëse askush nuk ka pësuar, ceremonia është zhvilluar normalisht edhe pse me një vonesë të shkurtër. /Telegrafi/