Dasmat në Çeçeni kanë qenë tradicionalisht spektakle të mëdha ku kërcehet e këndohet për tri ditë rresht.
Pasi nusja përgatitet me kujdes nga të afërm të saj, ajo sipas zakonit duhet të shkojë në dasmën e saj vetëm, pa të afërmit e familjes dhe e ka të ndaluar të kërcejë përgjatë gjithë ceremonisë.
Dasmat në rajonin e Çeçenisë tradicionalisht paguhen nga familja e burrit. Posa dasma është plotësisht e organizuar dhe e gatshme të fillojë, familja e burrit duhet të shkojë dhe ta marrë nusen në shtëpinë e familjes, kudo që jeton ajo.
Nuses i ndahet një vend special në dasmë, ku ajo do të qëndrojë gjithë dasmën pa burrin e saj të ri.
Mysafirët i dhurojnë çiftit dhurata nga më të ndryshmet si ndërresa shtrati, para ose gjëra tjera me vlerë.
Pas ceremonisë së drekës, nusja ftohet nga mysafirët që t’ua mbushë nga një gotë pije dhe e shikojnë nga afër veshjen e saj për ta komentuar më pas, transmeton gazetametro.
Shumica e meshkujve martohen rreth moshës 20 vjeçare kurse vajzat 17 ose 18 vjeçare.
