Ryan Wibberley nga Stoke i Anglisë, e ka bindur Kortney Leigh, që ta bëjë tatuazh në ballë emrin e tij.
Artisti i tatuazheve, që parapëlqen ta thërrasin Wibbo, ia ka shkruar vet mbi vetulla 20-vjeçares, emrin dhe nofkën, në mënyrë që ajo të mos e tradhtojë, transmeton Telegrafi.
Ky ka qenë në fakt kushti, që 23-vjeçari të mos e braktis atë, siç ka bërë me të dashurat e mëparshme, të cilat nuk pranonin.
“I kam pasur 39 të dashura, por ato refuzonin dhe unë i lija. Ato më luteshin që t’ju bëja tatuazh në pjesë tjera të trupit, por unë doja vetëm në ballë”, ka thënë Ryan.
Ai së bashku me Kortney, janë së bashku prej muajit shkurt, që kur ai është lëshuar nga burgu shkaku i dënimit për vjedhje dhe kërcënim me armë.
“Njerëzit më shikojnë çuditshëm, por për mua është me rëndësi që Ryan të më dojë. Ai është shumë paranojak dhe kjo është e vetmja mënyrë që ta qetësojë”, ka thënë ajo për tatuazhet bizare. /Telegrafi/
