I dashuri i ri i Ariana Grandes, Ethan Slater, ka paraqitur zyrtarisht kërkesën për divorc nga gruaja e tij, Lilly Jay.
Aktori – i cili luan së bashku me Granden në “Wicked” – dorëzoi dokumentet në New York të mërkurën.
Ai dhe Lilly janë të martuar që nga viti 2018 dhe kanë një djalë të vogël që e mirëpritën në gusht.
Në fillim të këtij muaji, Grande tronditi fansat duke i dhënë fund martesës së saj dyvjeçare me agjentin e pasurive të paluajtshme, Dalton Gomez.
Slater dhe Grande thuhet se kanë pasur një romancë gjatë xhirimeve të “Wicked” në Londër gjatë vitit të kaluar.
Një burim i afërt tha se gruaja e Slater ka qenë e tronditur nga këto lajme dhe ndjen sikur artisti braktisi familjen për këngëtaren e famshme.
Ajo është thënë gjithashtu se është e mërzitur nga fakti që djali i tyre nuk do t’i ketë të dy prindërit vazhdimisht dhe ndihet sikur Slater ‘i ka kthyer plotësisht shpinën familjes së tij’.
Nuk është e qartë se kur Grande dhe Slater nisën lidhjen, por pretendohet se janë bashkë që disa muaj.
Ethan ka qenë me ish-partneren për më shumë se një dekadë, ndërsa janë njohur në moshë të re.
Nga ana tjetër, Ariana dhe Dalton bënë publike romancën gjatë pandemisë COVID-19. /Telegrafi/
