Përfaqësuesja e Kosovës do të ndeshet sot (e shtunë) në Zagreb me kombëtaren e Kroacisë.
Kosova është mysafire e Kroacisë në ndeshjen e shtatë të Grupit I në kuadër të eliminatoreve për botërorin Rusia 2018.
Kjo llogaritet të jetë ndeshja më e vështirë e Kosovës në këtë grup, por futbollistët e përfaqësueses sonë nuk do jenë vetë, pasi drejt Zagrebit kanë udhëtuar edhe një numër i tifozëve ‘Dardanët’.
‘Dardanët’ janë në një numër solid rreth 50 vet dhe tani gjenden në Zagreb dhe janë gati të përkrahin djelmoshat e Kosovës për të arritur një rezultat pozitiv.
Ndryshe, takimi fillon nga ora 20:45 dhe zhvillohet në stadiumin e Dinamo Zagrebit në ‘Maksimir’. /Telegrafi/
