Nënkryetari i Komunës së Prishtinës, Dardan Sejdiu, nëpërmjet Facebook-ut i ka bërë thirrje LDK-së dhe PDK-së në Prishtinë, që të tregojnë se cilat toka, banesa, ndërtesa e asete tjera i kanë menduar për vete, në mënyrë që në të ardhmen, siç ka shkruar ai të mos bëjnë më gabime.
Kjo kërkesë e Sejdiut, vjen pas bojkotimit seancës së Kuvendit Komunal të Prishtinës, nga LDK dhe PDK, për shkak se në rend dite ishte caktimi i një prone të re për Ambasadën e Shqipërisë, gjë e cila po kundërshtohet nga LDK, me arsyetimin se këtë pronë ka vite që e kanë ndarë për LDK-në.
Ish-nënkryetari i komunës së Prishtinës nga radhët e LDK-së, Shefki Gashi, i ka thënë mediave se e duan Shqipërinë por më shumë veten.
