Drejtoria e të Ardhurave Publike (DAP) sot ka informuar se aplikacioni “TVSH-ja ime” është i sigurt për marrje dhe instalim dhe se të dhënat e qytetarëve maksimalisht janë të mbrojtura.
“Në lidhje me reagimet e caktuara lidhur me sigurinë e të dhënave personale gjatë instalimit të aplikacionit, DAP njofton se aplikacioni është i sigurt për shkarkim dhe instalim, me qëllim që qytetarët të realizojnë të drejtën e kthimit të 15 përqind të TVSH-së”.
“DAP siguron se të gjitha të dhënat e paraqitura në aplikacion, siç janë e-mail adresa dhe numri i xhirollogarisë janë të sigurta dhe të mbrojtura, nga çfarë do keqpërdorim”, thonë nga DAP.
Ata shtojnë se gjatë shkarkimit të aplikacionit nuk kërkohet asnjë e dhënë, por vetëm leja për të shfrytëzuar kamerën.
“Në sistemin për kthimin e TVSH-së nuk ruhen të dhënat personale, përveç xhirollogarisë e cila është e lidhur me numrin e përdoruesit, e cila nuk mund të identifikohet se cili person i takon”, thuhet në njoftimin e DAP./Telegrafi/