Danny Boyle hoqi së bëri regjinë e filmit më të ri rreth të agjentit sekret të njohur si James Bond.
Kështu së paku shkruan në një komunikatë të lëshuar prej prodhuesve të filmit teksa tregojnë se për shkak të “dallimeve krijuese” regjisori britanik nuk e ka marrë përsipër këtë punë.
“Michael Willis, Barbara Brokoli dhe Daniel Craig kanë konfirmuar se për shkak të dallimeve krijuese, Danny Boyle vendosi që të mos e drejtoj Bondi 25”, shkruan në komunikatën zyrtare të 007 të publikuar në Twitter.
Publikimi nuk jep detaje se cilat janë dallimet, as nuk jep informacion se kush do të jetë regjisori i ri.
Filmi i 25 me rend rreth James Bondit, në pronësi të MGM, aktualisht është në fazën e para produksionit dhe premiera pritet të jepet në nëntor të vitit 2019.
Boyle në të kaluarën ka drejtuar filma që kanë fituar çmime Oscar, i tillë është “Slumdog Millionaire”, i cili në vitin 2008 fitoi tetë çmime prestigjioze.
Gjithashtu, producentët njoftuan se Craig do të luan për herë të pestë rolin e James Bondit.
Frashiza Bond është një nga më të vlefshmit në industrinë e filmit. I fundit, “Specter”, me regji të Sam Mendesit, fitoi 880 milionë dollarë nga shfaqjet në kinema. Mendes gjithashtu drejtoi “Skyfall” e vitit 2012, i cili fitoi më shumë se një miliard dollarë. /Telegrafi/