Kryeministrja daneze Mette Frederiksen shpalli të mërkurën zgjedhjet e përgjithshme për 1 nëntor, shtatë muaj përpara përfundimit të mandatit të saj në detyrë.
Sipas mediave të huaja, përcjell Telegrafi, Frederiksen, e cila ka kryesuar qeverinë e pakicës socialdemokrate që nga qershori 2019, ka parë që popullariteti i saj të bjerë javët e fundit.
Sondazhet tregojnë se blloku i qendrës së majtë është shumë afër me opozitën e qendrës së djathtë, e cila përfshin parti që duan të reduktojnë emigracionin.
Zgjedhjet do të zgjedhin anëtarët e Folketing me 179 vende, ose parlamentin.
Frederiksen kohët e fundit ka folur hapur për qeverisjen me disa nga partitë që janë pjesë e opozitës së qendrës së djathtë. /Telegrafi/