Dallas Mavericks u kualifikua në finalet e mëdha të NBA pasi mposhtën Minnesota Timberwolves me rezultat 124:103 mëngjesin e sotëm (e premte), duke fituar me rezultat të përgjithshëm 4-1 finalen e Konferencës Perëndimore.
Dallas pati një fillim fenomenal në ndeshjen e sotme, e cila u luajt në Target Center në Minneapolis dhe tashmë pas çerekut të parë kishte një avantazh prej 16 pikësh. Vlen të theksohet se slloveni i shkëlqyer Luka Doncic shënoi 20 pikë në çerekun e parë.
Minnesota ishte e tronditur, asgjë nuk po shkonte siç duhej, kështu që deficiti vetëm sa u rrit dhe pjesa e parë përfundoi me rezultatin 69:40 për Dallasin.
Luka Doncic wins Western Conference Finals MVP as the @dallasmavs take Game 5 to advance to the NBA Finals!
Luka Doncic: 36 PTS, 10 REB, 5 AST, 6 3PM
Kyrie Irving: 36 PTS, 5 AST, 4 3PMThe #NBAFinals presented by @YouTubeTV begin Thursday, June 6th at 8:30pm/et on ABC 🍿 pic.twitter.com/NBeClOUK3O
— NBA (@NBA) May 31, 2024
Skuadra vendase tregoi dhëmbët në pjesën e dytë në të cilën ishin shumë më mirë, por e gjithë kjo nuk mjaftoi për asgjë.
Në fund të lojës ata arritën të zbusnin sikletin, ndërsa Dallas mund të fillonte të festonte pas fitores 123:103.
Mavericks u çuan në finalen e madhe nga Doncic dhe Kyrie Irving. Të dy shënuan nga 36 pikë, ndërsa slloveni shtoi edhe 10 kërcime.
Karl-Anthony Towns ishte i vetmi në formë te Minnesota me 28 pikë dhe 12 kërcime.
Dallas do të luajë kundër Boston Celtics në finalen e madhe të NBA dhe ndeshja e parë e serisë do të luhet mëngjesin e së premtes së ardhshme. /Telegrafi/
MAVERICKS. CELTICS. 🍿
The #NBAFinals presented by @YouTubeTV are officially set!
Game 1: Thursday, June 6th at 8:30pm/et on ABC pic.twitter.com/9U9ng7hAjr
— NBA (@NBA) May 31, 2024