Një shpërthim me lëndë plasëse është shënuar mbrëmjen e sotme (24 janar) në qendër të Durrësit në afërsi të banesës së Presidentit të FSHF-së, Armand Duka.
Nga informacionet paraprake që kanë njoftuar mediat shqiptare, nuk është raportuar për persona të lënduar nga ky shpërthim.
Policia shqiptare tani ndodhet në vendin e ngjarjes dhe është duke hetuar rastin.
Ndërkohë gazeta shqiptare Panorama Sport ka publikuar videon nga vendi i ngjarjes, ku shihen forca të shumta të rendit.
Kujtojmë që ditëve të fundit Armand Duka ka nisur një ‘luftë’ në distancë me të parin e Bashkisë së Tiranës, Erion Veliaj. /Telegrafi/
