Një ngjarje e rëndë ndodhi ditë më parë në Itali, ku në një qendër tregtare një person me probleme mendore sulmoi personat aty me një thikë.
Andrea Tombolini është sulmuesi 46-vjeçar që nuk e kurseu askënd duke plagosur katër persona, derisa një arkatare e marketit fatkeqësisht mbeti e vdekur dhe nuk mundi t’i përballojë plagët e marra.
Në mesin e të lënduarve mbeti edhe mbrojtësi i Arsenalit i huazuar te Monza, Pablo Mari i cili ishte duke bërë pazar së bashku me djalin dhe gruan e tij.
Tombolini u çarmatos nga ish-mbrojtësi i Serisë A, Massimo Tarantino, i cili gjithashtu ishte duke bërë pazar në Carrefour.
Tanimë mediat italiane kanë publikuar edhe pamjet nga sulmi i tmerrshëm që ndodhi në qendrën tregtare “Milanofiori di Assago”. /Telegrafi/
