Policia ka publikuar pamjet nga operacioni antidrogë “Blic 34” i zhvilluar gjatë orëve të natës dhe mëngjesin e sotëm në Tiranë.
Në video shihen momentet e arrestimit të disa prej personave që u vunë në pranga, nga 34 urdhër-arrestet e lëshuara.
Drejtori i Drejtorisë Vendore të Policisë Tiranë, në një konferencë për shtyp njoftoi se në kuadër të operaconit “Blic 34” u ekzekutuan 27 masa “Arrest me burg” për veprat “prodhim shitje narkotikësh”, vijon puna për kapjen e 7 personave të tjerë.
U sekuestruan: 3.4 kg kokainë, 150 doza heroinë, 500 ekstazi, 12 kilogramë kanabis, 10 automjete. /Telegrafi/
