Ballkani ka triumfuar në derbin e xhiros së 20-të në BKT Superligën e Kosovës në futboll.
Suharekasit kanë mposhtur në udhëtim Prishtinën në një ndeshje që zgjati 110 minuta, ku pamë dy kartëon të kuq e dy penallti për secilën nga një.
Skuadra e Ilir Dajës triumfoi me rezultat 0-2 falë golave nga Ermal Krasniqi dhe Mevlan Zeka.
Trajneri i Ballkanit, Ilir Daja ka folur pas ndeshjes duke thënë se është i lumtur me fitoren e arritur.
“Sigurisht, ishte një udhëtim i vështirë pasi dihet pozicionin që ka Prishtina. Është një ekip i fortë dhe është kampion në fuqi”.
“Kishim vështirësi në pjesën e parë. Duke parë kundërshtarin dhe mungesat që kishim, e kishim të vështirë. Fati ishte në anën tonë. Në penalltinë e bërë nga Lumbardh Dellova ndryshoj ndeshja, por karakteri i futbollistëve u shpreh më së mirë pasi e vumë në vështirë kundërshtarin”.
“Kemi ndryshuar lojën pas largimit të Dellovës dhe vendosëm të luajmë në të dy krahët. Kjo ishte ajo që nga bëri të ndryshonim mënyrën e lojës dhe të arrijmë golin”, ka deklaruar Daja.
Pas kësaj fitore Ballkani merr pozitën e parë në renditje me 39 pikë sa ka edhe Gjilani e dyta. /Telegrafi/