Dafina Zeqiri ka paralajmëruar tashmë se do të sjell këngën më të re muzikore para fansave.
Këngëtarja shqiptare duket se këtë vit do të publikojë më shumë këngë se sa në vitin paraprak, ku ishte paksa e tërhequr prej botës së muzikës.
“A e man në mend”, titullohet projekti më i ri zeshkanes sonë, i cili brenda disa ditëve do të jetë i qasshëm edhe për publikun.
Kështu së paku ka bërë të ditur vetë bukuroshja përmes rrjeteve sociale teksa ka publikuar edhe një video të shkurtër.
Dafi në videon e publikuar në llogarinë personale në Instagram shihet duke me një duhan në gojë dhe disa persona kërkojnë t’ ia ndezin cigaren.
Theksojmë se ajo muaj më parë solli këngën e fundit, “Alo”, i cili deri më tani është shikuar mbi pesë milionë herë në YouTube.
Ndryshe, Dafina për këtë vit ka zbuluar se do të jetë më afër fansave me koncerte në qytetete të ndryshme. /Telegrafi/
