Këngëtarja e njohur shqiptare, Dafina Zeqiri, vetëm pak orë më parë u bë e ditur se i ka kërkuar një vallëzim profesorit nga Vushtrria, Lulzim Pacit.
Kjo duket të jetë bërë në shenjë solidarizimi me të, duke qenë se mori kritika të ashpra e ofendime për vallëzimet e tij në rrjete sociale.
Artistja ka realizuar videon me profesorin, të cilët shfaqen duke kërcyer së bashku me valle tradicionale shqiptare.
Videoja menjëherë është shpërndarë dhe u bë virale, ndërkohë që për një orë mblodhi mbi 10 mijë pëlqime e komente të shumta.
“Me profën”, ka shkruar ajo.
Profesori ditën e sotme (e hënë) ka marrë një përkrahje të fuqishme nga fytyrat publike përfshirë Labinot Tahirin, Adriana Matoshin, Adelina Ismaili, Gold AG, Ermal Fejzullahun, etj.
Labi në anën tjetër tha se do të takohet nesër (e martë) me të dhe se do t’ia bëjë një dhuratë, tri ditë pushime në Shqipëri ose Turqi. /Telegrafi/
@dafinapipinazeqiri @Luli_0000007 me profen ? #meprofen #challengemeprofen #dafinazeqiri #viral #fyp #albania #balkan ♬ Vallja E Rugoves Shota – Valle