Dafina Zeqiri ka vënë synime konkrete për një depërtim ndërkombëtar.
Bukuroshja nga Prishtina nuk po ndalet duke punuar drejt një suksesi në skenën botërore.
Pas paraqitjes në klipin Famous të French Montanas, Dafina tash po punon në projektin e ri me vokalistin e grupit “Magic”, Nasri.
Grupi njihet për hitin e madh “Rude”, sukses që kulmoi për ta me mbi një miliard klikime në YouTube.
Dhe, qysh në fillim të punës me këngëtaren shqiptare, Nasri është ndarë i kënaqur duke rezervuar fjalë të mëdha për Dafinën.
“Drejt nga Kosova. Dafina Zeqiri krijoi pak kohë për mua gjatë udhëtimit në Los Angeles. Ne bëmë një këngë e cila duket pak sa klasike. Grua e fuqishme. Këngëtare e shkëlqyer”, potencoi Nasri në një postim me Dafinën në Instagram.
Dafina Zeqiri ka kohë që s’ka publikuar ndonjë projekt të ri dhe pa dyshim se Nasri është një zë që do t’i përshtatej shumë krijueses së shumë hiteve të skenës muzikore moderne shqiptare. /Telegrafi/