Ramush Haradinaj do që ta paraqesë veten si viktimë politike, por ai është një kriminel lufte, ka thënë ministri i Punëve të Jashtme të Serbisë, Ivica Daçiq.
Këtë deklaratë për Radio Televizionin e Serbisë, kryediplomati serb e bëri në kohën kur Gjykata e Apelit në Colmar të Francës e shtyu për 2 mars vendimin për lirimin ose ekstradimin në Serbi të ish-kryeministrit të Kosovës dhe liderit të AAK-së, Ramush Haradinaj, transmeton Klan Kosova.
Daçiq ka folur edhe për ushtrinë e Kosovës, duke thënë se krijimi i ushtrisë është kundër stabilitetit në rajon.
Para dy javësh kjo gjykatë kishte vendosur ta lirojë me kusht atë, derisa priste kërkesën e Serbisë për ekstradim
Haradinaj ishte arrestuar më 4 janar nga polica franceze bazuar në një urdhërarrest të Serbisë të vitit 2004.