Tesla më në fund do të fillojë shitjen e Cybertruck vitin e ardhshëm, ka njoftuar Elon Musk në festën e hapjes për fabrikën e kompanisë Giga Texas.
Gjatë prezantimit të tij në skenë, Musk prezantoi automjetin Cybertruck, që ende duket si versionet e mëparshme, vetëm se dyert e makinës nuk kanë më doreza, transmeton Telegrafi.
Makina do të jetë në gjendje t’ju identifikojë kur jeni afër dhe do ta dijë se duhet të hapë dyert.
Musk gjithashtu kërkoi falje për vonesën në lansimin e Cybertruck që u prezantua për herë të parë në vitin 2019.
Data fillestare e lansimit ishte 2021, por kompania e shtyu lansimin e automjetit për vitin 2022 dhe tani për vitin 2023. /Telegrafi/