Mbrëmë janë zhvilluar 12 ndeshje në ligën më të fortë të basketbollit në botë.
Kur mendoni se keni parë çdo gjë nga Stephen Curry, Golden State Warriors ka pasur një paraqitje mbresëlënëse për të mbajtur mend.
Curry ka udhëhequr Warriors drejt fitores kundër Charlotte Hornets me rezultat 126-111, duke shënuar 11 treshe, transmeton Telegrafi.
Basketbollisti ka dështuar vetëm tre herë prej vijës 7.24 metra dhe përfundoi ndeshjen me 39 pikë, ku gjithashtu pati tetë asistime, pesë kërcime, tre të vjedhura dhe ka humbur vetëm një top. Klay Thompson kontribuoi me 29 pikë ndërsa Kevin Durant me 18 sosh.
Te Hornets lojtari më i mirë ishte Frank Kaminsky me 24 pikë ndërsa Marco Belinelli ka shtuar 16 pikë.
Pas kësaj, Golden State ka bilanc prej 42 fitoreve dhe shtatë humbjeve ndërsa Hornets ka 27 humbje dhe 24 fitore. /Telegrafi/
Rezultatet tjera:
Cavaliers 125-97 Timberwolves
Pistons 118-98 Pelicans
Magic 88-98 Pacers
Celtic 109-104 Raptors
Nets 90-95 Knicks
Heat 116-93 Hawks
Mavericks 113-95 Philadelphia
Suns 114-124 Clippers
Jazz 104-88 Bucks
Thunders 100-128 Bulls
Nuggets 99-119 Grizzlies
